ഞാന്‍ വരാം...

മഴ വീണു കുതിര്‍ന്ന രാവുകളില്‍

ഒരു തണുത്ത കാറ്റായ് ഞാന്‍ വരാം

പുതുമഴ നനഞ്ഞ മണ്ണിന്റെ ഗന്ധം

നിനക്കായ് കൊണ്ടുവരാം ഞാന്‍

നിന്റെ ജനാലക്കിടയിലൂടെ വന്നു

നിന്റെ മുടിയിഴകളെ തഴുകാം ഞാന്‍

നിന്റെ പുതപ്പിനടിയിലൂടെ വന്നു

നിന്നെ ഞാന്‍ കോരിത്തരിപ്പിച്ചുക്കൊള്ളാം

ഇലകളില്‍ മഴ താളം പിടിക്കുമ്പോള്‍

നിനക്കായ് താരാട്ട് പാടാം ഞാന്‍

എന്റെ കരവലയത്തില്‍ കിടന്നു നീ ഉറക്കത്തിലേക്ക് വഴുതി വീഴവേ,

വിട വാങ്ങാം ഞാന്‍, അടുത്ത രാത്രിയിലേക്കുള്ള കാത്തിരിപ്പുമായ്......